PERSEUM Antrum apud Stat

PERSEUM Antrum apud Stat

l. 1. sub fin. ubi de Sole,

—— seu te roseum Titana vocari

Gentis Achaemeniae ritu, seu praestat Osyrin

Frugiferum, seu Persei sub rupibus antri

Indignata sequi torquentem cornua Mitram.

Antrum dicitur, in quo Persae Solem coli primi invenisse dicuntur. Est enim in spelaeo Persico habitu cum tiara utrisque manibus bovis cornua comprimens, quae interpretatio ad Lunam ducitur etc. uti ait Lutatius. Colebant autem in antro Solem Persae, sub Mithrae nomine, de quo vide supra; plura vero de antro illo seu spelaeo, apud Lindebrogium Not. ad Lutatium, ubi ex Hieronymo, porphyrio, Agathia varia in eam rem adfert.